Record thar siamtu Sergio Ramos

Real Madrid superstar Sergio Ramos chuan EURO 2020 qualifier-ah Faroe Islands an hneh hnuin ram tan record thar a siam.

Kan hriat angin Ramos hian hliam a neih vangin domestic season-ah game thenkhat khelh loh phah a, mahse, Zirtawpni khan Spain tan a khel leh a ni. Spain in Faroe Islands chu 4-1 lai maiin an hneh a, goal hmasa ber khungtu hi Sergio Ramos a ni nghe nghe.

Real Madrid defender Sergio Ramos hian Spain chu vawi 122 lai hnehna a chan pui tawh a, international football-ah a ni aia hnehna chan pui tam thei players reng reng an la awm lo.

Ramos hian Legend Iker Casillas a khum a ni, Casillas hian Spain chu vawi 121 hnehna a chan pui ve a ni.