Ronaldo 64, Messi 42

Kan thei bantukin Cristiano Ronaldo nih cun UEFA Champions League-ah goals 125 a khumh cang, UCL goal khung tam bik asinak cu, a karh ter tthan. Barcelona superstar Lionel Messi he cun an i hlat ngai rih.

Ajax Amsterdam le Juventus hna UCL Quarter Final an chuihmi ah khan kum 34 asimi Cristiano Ronaldo nih kawl khat a khumh, mah kawl a khumhmi kha Champions League i kawl 125 a khumhnak bak asi i, Champions League tuanbia ah kawl khumh tam bik asi. Barcelona superstar Lionel Messi nih goal 108 a khumh ve i, pahnihnak asi, pathumnak ah Real Madrid striker Benzema a um ve.

Daily Mail nih a chimh ning ah cun Cristiano Ronaldo nih Champions League goals a khumh mi vialte lak ah 50% cu UCL Knockout Stage i a khumh mi asi tiah an chim.

Cristiano Ronaldo nih hin Knock out stage-ah goals 64 bak a khumh i, Lionel Messi nih goals 42 a khumh ve. A tang ah hin Messi le C.Ronaldo nih UCL records an ngeihmi ka vun langhter.

UCL Group Stages: Ronaldo (Goals 61)

UCL Group Stages: Messi (Goals 66)

UCL Knockout Stages: Ronaldo (Goals 64)

UCL Knockout Stages: Messi (42)