Ronaldo 64, Messi 42

Kan hriat angin Cristiano Ronaldo chuan UEFA Champions League-ah goals 125 a khung tling a, UCL goal khung hnem ber a nihna chu a pun pelh a ni. Hun rei tak a elpui Lionel Messi nen a inhlat hle a ni.

Ajax Amsterdam leh Juventus te UCL Quarter Final khelhah khan kum 34 mi Cristiano Ronaldo hian goal khat a khung a, kha a goal kha UCL Goals 125 na chiah niin UCL history-ah goal khung hnem ber a ni. Barcelona superstar Lionel Messi chuan goal 108 neiin pahnihna a ni a, pathumnaah goals 60 khungtu Real Madrid striker Karim Benzema a awm ve bawk.

Daily Mail-in a sawi dan chuan Cristiano Ronaldo’an Champions League goals a khung zawng zawng 50% hi UCL Knockout Stage atang a khung niin an sawi.

Cristiano Ronaldo hian Knock out stage-ah goals 64 lai a khung tling a, LIonel Messi hian goals 42 a khung ve bawk. A hnuaiah hian records an neih dan ka rawn tarlang e:

UCL Group Stages: Ronaldo (Goals 61)

UCL Group Stages: Messi (Goals 66)

UCL Knockout Stages: Ronaldo (Goals 64)

UCL Knockout Stages: Messi (42)