Ronaldo hi United-ah khan player beidawng tak a ni thin

Manchester United player hlui in a team mate hlui Cristiano Ronaldo chungchang sawiin, Old Traford a awm lai khan a beidawng ve hle niin a sawi.

Teenager a nih laiin Man United a zawm a, mahse, Portuguese attacker hian Manchester United-ah khan hun awlsam tak a hmang lo a ni. A bik takin a awm hmasak berna season-ah khan a ni nghe nghe.

Manchester United player hlui pakhat Jonathan Spector chuan Ronaldo United lama a awm lai khan superstar a nih loh thu a sawi a, mahse, vawiinah chuan superstar a nih tawh thu a sawi. United a awm laiin a teammate leh fans te chungah a beidawn thu a sawi a ni.

“Player beidawng tak a lo ni thin, thil tih theihna tam tak a neih zia i hmu thei ang, mahse, kha tih lai khan a thil tih theihna a ti lang lo” tiin Spector’an AmericanGambler.com a hrilh.

“Player tamtak kha a vei a, manager ni lovin, a chhan chu a bul velah players te an awm a ni”

“Sir Alex Ferguson khan team-ah player tamtak a nei a, hna ropui tak a thawk a ni. Chung players te chuan midang an tanpui thei “

“Hma a sawn theihna turin leh a thil tih theihna pho chhuak thei turin Ronaldo kha chher that theih dinhmunah a awm ka ring. Mahse, Manchester United ah khan a thil tih theihna a lan tir thei tlat lo a ni” tiin a sawi bawk.

Ronaldo United a awm hmasak berna season-ah khan goals 6 a khung tling thei a, season 2 naah goals 9 a khung thei bawk. Club tan a goal khungtu pawimawh a nih theihna hi hun a duh rei lo hle. Man United tan avaiin matches 292 a khelh atangin goals 118 lai a khung tling thei a ni.

Cristiano Ronaldo hi England lamah kum 6 a awm hnuin, Spanish club lian Real Madrid a zawm a, football history a player ropui ber pakhat a ni reng tawh ang.

Huapzau

Next Post

Liverpool leh Real Madrid star €75m man sawi zawm an ni

Thu Jul 11 , 2019
UEFA Champions League 2019 champion lai Liverpool chuan tun summer transfer-ah hian player pakhat chauh an la lalut a, mahse, €75 million man Real Madrid player chu lak an tum niin reports in a tarlang. Reds hian tun summer transfer […]

ads