Ronaldo leh Sarri hian buaina lian tak an nei

Kan hriat angin Cristiano Ronaldo leh Juventus boss Mauricio Sarri te inkar boruak a tha vak lo niin an sawi. Real Madrid player hlui pakhat chuan Cristiano Ronalo leh Sarri te hian buaina lian tham tak an neih chungchang a sawi.

Kum 34 a upa Cristiano Ronaldo hi Italy lamah duh angin a che tha hlei thei lova, a khupah hliam a neih vangin a fitness a tha tawk vak em ni?

Juventus manager Sarri chuan goal khung thei loh vanga dem hlawh tak Cristiano Ronaldo chu khelh tlem tir deuh a.

Thla hmasa lam pawh khan a zawnin game 2 lai maiah a thlak tawh nghe nghe, thlak a nih tum hian Cristiano Ronaldo chu a thinrim hle tih a hriat theih. Mi tamtak chuan Sarri leh Cristiano Ronaldo te hi an thawk dun tak tak theih an ring lo hial.

Italy attacker hlui Antonio Cassano chuan an pahnih kara buaina awm chungchang a sawi.

“Ronaldo leh Sarri te hian buaina lian tak an nei niin ka hria” tiin Antonio Cassano chuan Tiki Taka a hrilh.

“Engkim bul tanna chu a zawna game 2 lai mai Ronaldo thlak anih atang khan a ni” tu emaw tan chuan buaina lian tak a ni thei.

“Ka ngaihdanah chuan, an pahnih karah buaina lian tak a awm tih hi a ni, heivang hian Juventus pawh an game khelh a tluang lo hle” tiin a sawi bawk.

Tun season kal mekah Juventus tan C Ronaldo’an games 16 a khelh tawh atangin goals 7 a khung mai bakah assist 2 a nei bawk.

Next Post

Son'an a pu thar Jose Mourinho a fak

Tue Dec 3 , 2019
Jose Mourinho chuan Mauricio Pochettino thlakin tottenham manager a ni. Jose’an Spurs a enkawl atang […]