Ronaldo’an Cup Match a khelh loh chhan Juventus lamin an sawi

Kan hriat angin Nilaini (Wednesday) khan Juventus chuan Coppa Italia-ah Udinese chu an hneh a, mahse Tunlai che tha em em Cristiano Ronaldo a khelh ve loh avangin mi tamtak hrilh a hai hle niin an tarlang. Hemi chungchangah Juventus lam chuan an player pawimawh em em Cristiano Ronaldo a khelh loh chhan leh squad-ah an telh loh chhan an sawi.

Juventus lam hian Coppa Italia-ah Udinese chu 4-0 lai maiin an hneh a, an khelhna hmun hi Juve Stadium Allianz Stadium-ah a ni. Juventus lam atangin Gonzalo Higuain, Douglas Costa leh Paulo Dybala ten goal an khung.

Cristiano Ronaldo squad a telh a nih loh vangin mi tamtak hrilh a hai tlang hle, kan hriat angin Cristiano Ronaldo season tawp lamah goal a rawn khung thei tan a, a che tha thei hle a ni.

League matchs hnuhnung vawi 6 a khelh atangin goals 9 lai a khung thei a ni. Juventus a pan hnuah a chet that ber tum a ni hial.

Mahse, Club lam chuan Cristiano Ronaldo chu sinus in a tihbuai avangin Allianz Stadium-ah a khelh theih loh tur thu an sawi.

Pathianni khian Allianz Stadium-ah Juventus chuan Serie A match khel turin Parma an lo mikhual anga, Cristiano Ronaldo a khelh thei ang em tih chu an sawi thei bik lo, a dinhmun a zirin a ni ang.

Manchester United player hlui Crisitiano Ronaldo hian tun season kal mekah Juventus tan all competions matchs 23 khel tling tawhin goals 16 lai a khung tling a, assists vawi 3 a nei tling bawk.

Next Post

Neymar'an Mbappe Record neih a nih rual pui

Thu Jan 16 , 2020
Kylian Mbappe aiin Neymar hi kum 6 lai maiin upa zawk mahsela, FC Barcelona superstar […]