Ronaldo’an Luka Jovic ai tha kum 19 mi striker la turin Juventus a nawr?

Real Madrid chuan Eintracht Frankfurt atangin Luka Jovic an la fel tep tawh a, Juventus superstar Cristiano Ronaldo chuan Serbian Striker Luka Jovic ai tha kum 19 mi Joao Felix chu la turin Juventus a nawr niin an tarlang.

Ronaldo chuan Juventus chu Joao Felix la turin a nawr, a chhan chu Serbian striker Luka Jovic aia a that zawk vang niin Cristiano Ronaldo chuan a sawi niin Don Balon chuan a tarlang.

Kum 19 mi Joao Felix hi European Club lian zual ten an duh deuh vek niin an sawi a, Felix hi goal hmaah a che tha thei em em a, tun season kal mekah Game 40 ah inlanin goals 18 a khung mai bakah assists 11 a nei tling a ni.

An sawi zel danah Cristiano Ronaldo hian Joao Felix chu Juventus join turin a sawm niin an sawi. Cristiano Ronaldo chuan Juventus chu next season Champions League-ah an chet that theihna turin Felix hi an mamawh niin an sawi bawk.

Juventus lam hian Felix hi la thei tak ang maw?

Huapzau

Next Post

Britney Spears pawh Bikini nen Yoga a ti VIDEO

Sun May 5 , 2019
Britney Spears-i chuan nitin Yoga a ti thin a, hei hi a taksa hriselna atana ti a ni. Kum 36 mi Britney Spears chuan ama Instagram Account-ah Yoga a tih lai video chu a post a, Yoga a tih lai […]

ads