Rooney pawh a vawikhatna atan a club thar tan a training ve e

Wayne Rooney chu tun hnai lawk khan English Football lamah a kir leh, Everton leh Manchester United legend Wayne Rooney chu a vawikhatna atan a team thar-ah a training a ni.

Rooney hi Major League Soccer club DC United lamah season 2 lai mai hun a hmang a, thla hmasa lamah khan DC United lama contract a neih chu a zo a. DC United tana a game hnuhnung berah Canadian team Toronto FC chu an hneh lo a ni. Kum 34 mi Rooney hian January transfer inhawn hunah Derby County tan a sign fel ang.

Daily Mail in a tarlan dan chuan, England tan a goal khung hnem ber Wayne Rooney chu a khelhna tur championship club Derby County tan a training tawh niin an tarlang. Wayne Rooney hi Derby County lamah thla 18 awmturin an inrem niin an tarlang bawk.

An sawi zel danah chuan Derby County lamah Wayne Rooney hian kar khatah £100 000 lai mai a hlawh dawn niin an sawi.

Rooney hi England tan a goal khung hnem ber niin, games 120 a khelh atangin goals 53 lai mai a khung tling a, England tana goal khung hnem ber a ni.

Huapzau

Next Post

Messi sawiseltu milar 8 te

Fri Nov 8 , 2019
FC Barcelona superstar Lionel Messi hi a mah sawiseltu te aiin faktu an tam zawk daih a, SL chuan mipui hma a Lionel Messi sawiseltu milarte an tarlang a, kan rawn tarlang ve leh dawn a […]