Sportsman of the Year 2019 Nominees-ah Messi a tel

FC Barcelona superstar Lionel Messi chu Laureus Sportsman of the Year Nominees 6 zingah a tel ve a, footballers atang a mah chauh a tel thei awmchhun a ni.

World Sports media in votes a lak hnuah Nominees 6 te hi an thlang chhuak leh a, Laureus World Sports Award kum 20 tlinna pualin he lawmman hi an hlan leh dawn a ni.

Sportsmen, Sportswomen leh team te atang players che tha zual an thlang chhuak a, Laureus World Sports Award ceremony in February ni 17 ah Berlin khawpuiah an hmang ang.

FIFA World Footballer of the Year leh Ballon d’Or vawi 6 lai dawng tawhtu Lionel Messi hian FC Barcelona tan career goal 600 lai a khung tling tawh a. 2018/19 season-ah khan La Liga bikah goals 36 lai khungin, vawi 6 lai mai chu La Liga top scorer a ni tawh.

November thla khan calendar year goals 40 a khung tling a, vawi 11 lai mai Calendar Year bikah goal khung hnem ber a ni tawh.

Laureus Sportsman of the year nominees-ah Lionel Messi hi vawi 6 a lanna chiah a ni bawk. Kum 2010, 2011, 2012, 2013 leh 2016 ah te a lo lang tawh a ni.

Laureus Sportsman of the Year Nominees paruk (6) te:

Lewis Hamilton (Motor Racing)

Eliud Kipchoge (Athletics)

Marc Marquez (Motor Cycling)

Lionel Messi (Football)

Rafael Nadal (Tennis)

Tiger Woods (Golf)

Next Post

Players hlawh atana inseng hnem zual Premiere League Clubs 10 te

Thu Jan 16 , 2020
Premiere Leauge clubs te hian an players te hlawh an pe hnem ang reng hle […]