Summer transfer window ah Pogba a chhuak dawn niin a lang?

Paul Pogba chuan summer transfer window inhawn hunah Manchester United a chhuahsan dawn niin a lang a. Amah duhtu zingah hian Real Madrid leh Juventus an langsar hle niin Sky Germany chuan a tarlang.

Kum 26 mi Paul Pogba hian Zinedine Zidane enkawl Real Madrid lama insawn chu pawi a tih loh thu a sawi niin Source thenkhattin an tarlang.

Manchester United lam hian Paul Pogba chu a tlem berah 2019/20 season tawp thleng tal Old Traford lama awm rih turin an duh a, hei hi a chhan ber nia an sawi chu January transfer window-ah hian amah thlak thei tu tur players an van em vang niin AF chuan a tarlang.

Mahse, club tamtak tan chuan Paul Pogba hi lei a harsa deuh maithei a ni, Manchester United lam hian Pogba man atan hian a tlem berah Pound 150 Million lai mai an hauh niin an tarlanga, club thenkhat tan chuan lei a harsat hmel hle.

Pogba leh a agent Mino Raiola te karah pawh buaina a awm niin an sawi. Kan hriat angin Paul Pogba chu kum 2016 khan Old Trafford lamah Mino Raiola hian a kir pui leh a ni.

United atanga graduates, United Youth player ni bawk Paul Pogba chuan a club hlui United tan kum 5 daih tur contract a sign a, Old Traford lama contract a neih hi kum 2022 thleng daih a ni.

Man Utd tan Paul Pogba hi a inlan tlem hle a, Pogba hian hliam a nei deuh reng bawk a ni. Tun season kal mekah United tan all competitions-ah games 8 chiah a la inlan thei rih a ni.

Next Post

Lionel Messi'an player hmachhawn harsa a tih ber a sawi

Thu Jan 16 , 2020
Barcelona superstar Lionel Messi hian a career-ah khawvel defender tha tak tak a lo hmachhawn […]