‘Top 4 huanga awm turin hma lam ka pan zel’: Emery

November thla atanga khualmuala an chak leh hmasak ber niin Arsenal manager Emery a phur hle. Top 4 huangchhunga awm a season thar a Champions League khelh theih ngei a duh.

EPL table parukna luah mek tu Arsenal in nizan khan 1-2 in Huddersfield Town an hneh. He match ah hian Iwobi leh Lacazette te’n goal an khung. Ti hian match 26 an khelh tawh atanga points 50 hmu tawh in an chung chiah a awm Chelsea leh Man Utd te’n points 50 leh points 51 an hmu.

Manchester United leh Chelsea mai bakah Arsenal tan pawh season thara Champions League khelh theih a la beiseiawm.

”Match week 26 na kan hmang zo ta a, kan tan pawh season thar a champions League khelh theihna hun tha tak a la awm. Kan chung chiah a awm te nen kan point a inthlau lo hle a, fimkhur taka kan kal zel anih chuan Chelsea leh Man Utd te kan la khum thei ang” tiin Arsenal manager Emery an season thara Champions League khelh ngei an tum thu a sawichhuak.

”Kan infuih tawh reng a, match tinah theihtawp chhuah zel hi kan tum a ni.Kan tum ti hlawhtling turin hma lam kan pan mek zel” tiin a sawi chhunzawm bawk.