Transfer chungchang a C Ronaldo leh United te inremsiam dan angin, Pogba pawh inremsiam tir ve an duh:

Khawvel hmun hrang hrang a tunlai media te sawi tam ber pawl chu Manchester United coach Ole Gunnar Solskjaer’an Paul Pogba chu season dang awm tir rih a duh tih hi a ni. Manchester United hian hunliam taah khan Cristiano Ronaldo chu hetiang ang chiah hian an lo inremsiam pui tawh niin Reports in a tarlang.

The Sun in a tarlan danin United Boss Ole Gunnar Solskjaer chuan Paul Pogba hnenah kum khat dang awm rih turin a ngen niin an tarlang. Ole Gunnar hian Paul Pogba chu team siam thar lehnaah a pawimawh rih niin a ngai a, 2019/20 season ah Manchester United planned ah a tel tir rih niin an tarlang bawk.

2008 kum khan Red Devils lam hian hetiang ang deuh hian Cristiano Ronaldo chu an lo chhawr tawh a, kha tih lai khan Cristiano Ronaldo hian United chu chhuahsan a Real Madrid lam a luh chu a duh hle a ni. A tawpah chuan Cristiano Ronaldo hian kum khat dang awm rih turin thutlukna a siam nghe nghe. Kum khat dang a awm hnuin Real Madrid lamah 2009/10 season-ah khan a insawn ta kha a ni.

Reports in an tarlan leh danah chuan Pogba hian United lamah awm rih a duh niin an tarlang. Real Madrid leh Juventus lamin an duh hle a, mahse, tun season erawh an lak theih loh hmel hle.

Manchester Evening News in an tarlan dan chuan, tunah hian Pogba hian United hnenah hlawhsan a phut a, chu a pawisa phut chu €180milllion lai a tling a ni. Hei hi Real Madrid leh Juventus lam chuan an pe thei dawn lo niin an tarlang.

Los Blancos lam hian  Luka Jovic, Eden Hazard, Ferland Mendy, Eder Miliato, Rodrygo Goes leh Takefusa Kubo te lei nan €300million zet an seng tawh nghe nghe.

Pogba leh amah duhtu te hian thutlukna tawp an la siam thei rih lova, tuemaw zawk zawk chuan an siam thuai rin a ni.

Huapzau

Next Post

Transfer kong ah Man U nih C Ronaldo hnatlak nak an rak ngeihpi bantukin, Pogba zong ngeihpi an duh:

Fri Jul 12 , 2019
Tu lio bawlung thawngpang meidia hna nih an ttial tam bik pakhat cu Manchester United coach Ole Gunnar Solskjaer nih Paul Pogba cu Man U ah season khat um rih ding in a duh timi hi asi. Aluancia ah khan […]

ads