Transfer kong ah Man U nih C Ronaldo hnatlak nak an rak ngeihpi bantukin, Pogba zong ngeihpi an duh:

Tu lio bawlung thawngpang meidia hna nih an ttial tam bik pakhat cu Manchester United coach Ole Gunnar Solskjaer nih Paul Pogba cu Man U ah season khat um rih ding in a duh timi hi asi. Aluancia ah khan Manchester United Cristiano Ronaldo cu mah bantukin hnatlaknak an rak ngeihpi cang tiah reports nih an langhter.

The Sun nih an langhter ning ah United Boss Ole Gunnar Solskjaer nih Paul Pogba sinah Kum khat dang um rih ding in a hal tiah an langhter. Ole Gunner nih hin Paul Pogba cu Man U team ser tthannak ding caah a biapi lai timi kha a ruat, 2019/20 season i Manchester United planned ah Pogba hi a chiah rih tiah an langhter tthan.

2008 kum ah khan Red Devils lei nih mah bantuk deuh in Cristiano Ronaldo cu an rak tuah cang i, mah lio ah khan Cristiano Ronaldo cu United chuahtakin Real Madrid lei i i tthial cu a duh ngai. A donghnak ah cun C Ronaldo nih biakhhiahnak a tuah i, kum khat um rih dingin a rak tuah. Kum khat dang a um hnu ah Real Madrid lei ah 2009/10 season ah khan aa tthial.

Reports nih a langhter tthan ning ah cun Paul Pogba nih hin United lei ah um rih cu a duh tiah an langhter. Real Madrid le Juventus lei nih an duh ngai ve, nain tutan season cu an la kho men lai lo.

Manchester Evening News nih an langhter ning ah cun, Paul Pogba nih hin United sinah a lahkhah tam ter deuh dingin a nawl hna, a lahkhah cu €180milllion bak asi. Mah hi Real Madrid le Juventus lei nih a duh bantuk tangka hi an pek kho lo.

Los Blancos nih Luka Jovic, Eden Hazard, Ferland Mendy, Eder Miliato, Rodrygo Goes le Takefusa Kubo cawknak ding ah €300million bak an hmang cang.

Pogba le amah duhtu hna nih hin biakhiahnak fiang an tuah khawh rih lo, a rauh hlan ah an tuah khawh men?

Huapzau

Next Post

David Moyes'an United a enkawl lai khan, ka fapa pian pawh ka lawm thei lo

Fri Jul 12 , 2019
Manchester United full back hlui Rafael da Silva chuan kum 5 liam ta a a fapa pian lai a a awm theih loh thu leh a hlim loh thu a sawi, hetih lai hian United chu David Moyes’an a enkawl […]

ads