‘Tuna Man Utd team hian nomawi kan chawi thei’: De Gea

Manchester United goalkeeper David De Gea chuan UCL last 16 a an hmachhawn tur PSG chu team tha tak an nih thu a sawichhuah rual in theihtawp chhuah a hneh ngei an tum tur thu a sawichhuak.

Tuna Man Utd team chu team tha tak an nih thu leh eng trophy ber emaw an chawi ngei De Gea an a ring. Champions League last 16 chu tunkar chho hian khelh tan a ni dawn a, game 11 chhung hnehloh tawng tawh lo Ole Gunnar Solskjaer enkawl Manchester United chuan an home Old Trafford ah Ligue-1 champion lai PSG an lo mikhual ang.

Brazil international Neymar chu hliam vangin a inlan thei dawn lova, Cavani dinhmun pawh a chiang lo bawk. Players pahnih tha tak tak khel thei dawn lo mahse champions league nomawi chawi tura an la that tawk thu David De Gea an a sawichhuak.

”Eng emaw chu kan chawi ka ring.Tuna Man Utd team hi kan tha a, Pogba a tangkai em em bawk. Tin, Martial pawh dan rual a nilo. Kan vaia kan thawk ho tha zel anih chuan eng nomawi emaw chu kan chawi ngei ang” tiin a sawi chhunzawm bawk.

Manchester United hian inelna hrang hrang pathum FA Cup, Champions League leh Premier League ah te an la tel a ni.