Van Dijk’an Ballon d’Or ceremony a C Ronaldo chungchang a sawi chu fiamthua a sawi thu Social Media lamah a sawi

Kan hriat angin Cristiano Ronaldo chu 2019 Ballon d’Or semna hmunah a tel leh lova, Golden Ball a amah hnehtu Liverpool defender Virgil van Dijk chuan Ronaldo chu red carpet-ah a dem fiam a, fiamthu a a sawi thu a sawi leh.

Kan hriat angin nizan Ballon d’Or ceremony, Paris a an neihnaah khan khawvel footballers tha tamtak an kal khawm a, mahse, Juventus superstar Cristiano Ronaldo erawh a tel thei lo, nikum lam pawh khan C Ronaldo hi a tel thei tawh lo a ni.

Virgil van Dijk hnenah ceremony a tello Cristiano Ronaldo chungchang an zawt a, ti hian a chhang.

“Cristiano Ronald hi hetah a tel lova, elpui ber (rival) pakhat a kim ta lo” tiin reporters pakhatin a lo sawi a, Van dijk chuan ka elpui (rival) a ni em ni tiin nui chungin a chhang let.

Mahse, Van dijk a thusawi hi mi tamtakin an hre thiam lo tih a hriat rual khan, rang takin Social Media (Twitter) kal tlangin a in sawifiah. Tv host Piers Morgan chuan hei hi a la thutak hle a, Van dijk thusawi chu a chhanglet ve  ni.

Van dijk chuan, Piers interview na zawng zawng kha en vek la, fiamthu a ni tih i hre thei ang tiin a chhang let.

Lionel Messi chuan Ballon d’Or vawi rukna ni turin a dawng a, khawvel footballers Ballon d’Or dawng hnem ber a ni. Cristiano ROnaldo’an vawi 5 a dawng a, Messi’an vawi 6 a dawng tawh a ni.

Lionel Messi chuan, Ballon d’Or vawi 6 ka dawn hi tuin emaw min la khum ang tiin a sawi nghe nghe.

Next Post

C Ronaldo kong ka chimmi kha capo asi - Van dijk

Tue Dec 3 , 2019
Kan thei bantukin Cristiano Ronaldo cu 2019 Ballon d’Or peknak hmun (ceremony) ah aa tel […]