Zei ruang ah dah Real Madrid ka chuah tak- Zidane Fapa

Real Madrid coach Zinedine Zidane nih a fapa Luca Zidane cu Real Madrid second-choice goalkeeper ah a hmang lai timi cu mi tampi zumh ning asi. Nain, Kum 21 asimi Luca Zidane nih cun a pa tu zarh chungah khan a chuahtak, a chuahtak nak a ruang bik a phuan.

Luca Zidane cu Racing Santander lei ah kum khat chung caah loan in ni 2 ni ah khan aa tthial. Luca Zidane hi a umnak club thar lei ah first choice goalkeeper caah thim asi men la.

Ni li ni (Thursday) ah khan Santiago Bernabeu a chuahtaknak a ruang a fianter.

Real madrid le Madrid khuapi chuahtak hi ka caah a ttha tuk lai” tiah Luca Zidane nih a chim tiah Marca nih an langhter ve.

Team thar theih nak le khuapi thar theihnak hrimhrim zong ah a ttha tuk lai”

“Club Thim ding (offer) tampi a um ko, nain, a biapi bikmi le ka duh bikmi cu Racing Santander hi asi”

“Mah club nghal peng awk tlak ah hin tthancho zungzal ka duh, kaa nuamh kho lo zong ah lawmnak tampi a um lai timi kha ka zumh” tiah a chim chap.

Real Madrid lei nih hin goalkeeper ttha an ngei pah, Keylor Navas zong 2019/20 season chung cu Real Madrid ah a um rih ko lai, amah back-up tu ding ah Andriy Lunin zong a um rih thiamthiam.

Luca Zidane hi Zinedine Zidane fapa lak i Real Madrid chuahtak pahnihnak asi, a nau deuh Enzo Zidane nih 2017 kum ah khan Real Madrid a rak chuahtak cang ve.

Huapzau

Next Post

Miami Swim Week Model te an nalh hlawm hle GALLERY

Fri Jul 12 , 2019
Miami Swim Week chu kum dang ang bawkin an hmang leh a, an model te an chhelo hle. Miami Swim Week hi nimin atang khan an hmang tan tawh a, designer ropui tak tak ten, an collections neih ang ang […]

ads