Zidane’an Final vawi 9 a khelh atang vawi 9 lai mai Real Madrid a champion pui thei

Real Madrid boss Zinedine Zidane hi final-ah a special viau niin a lang.

Real Madrid boss anga a awm hnuah Zidane hian Trophies 10 lai a chawi pui tawh a. Trophies 9 a lak pui te hi final hnehna a chanpui atanga a lak te an ni. 2016/17 season khan La Liga Santander titles a lak pui a ni.

2016 khan Los Blancos a awm hnuah a vawikhatna atan Real Madrid chu Champions League final a khelh pui a, kha tih lai khan Atletico Madrid chu Milan-ah Penalty hmangin an hneh a ni.

Thla tam a liam hmain UEFA Super Cup Final-ah Sevilla chu 3-2 in an hneh leh nghal a ni. Sevilla an hneh hma chiah hian Club World Cup Final ah Kashima Antlers nen khelin hnehna an chang leh bawk.

Kum 2017 khan Champions League Final khel lehin Cardiff-ah Serie A club lian Juventus chu 4-1 lai maiin an hneh a ni.

UEFA Super Cup final-ah Manchester United an hneh hma khan Real Mardrid chuan Supercopa de Espana 2017 final ah FC Barcelona an hneh leh a ni.

Zidane’an Final hnehna a chang chhunzawm zela Abu Dhabi-ah Club World Cup khel lehin Gremio a hneh leh a ni.

Zidane’an a vawi 3 na ni turin Champions League Final a thlen pui leh a, Kieve-ah Gareth Bale goal hmangin hnehna ropui tak an chang a ni. Hemi tum hian Tunlai team che tha em em Liverpool nen an khel nghe nghe.

Champions League-ah Liverpool an hneh hnu rei vak lovah Zidane chuan Los Blancos a chhuahsan a nih kha.

Mahse, Real Madrid lamin Coach an chhawr fuh hlei thei lova, Kumin March thla vel khan Zidane chu Real lamah a kir leh a ni.

Final hnehna a chan thin chu a chhunzawm leh zel a Supercopa de Espana final-ah Atletico Madrid chu Penalty hmangin an hneh leh a ni.

Zidane hian final vawi 9 a khelh atangin vawi 9 hnehna a chang.

Next Post

January Transfer History a Players man to zual Top 10

Tue Jan 14 , 2020
Kan hriat angin January transfer-ah hian players tha tamtak ten thawm an nei lian hle […]