Zlatan hi Man United ah kir rawh se

Zlatan Ibrahimovic’an LA Galaxy lam a contract a neih chu tun kum tawp hian a zo ve dawn a, Manchester United midfielder hlui pakhat chuan Ibrahimovic hi Old Traford lamah kir leh rawh se tiin a sawi.

Kum 38 mi Zlatan Ibrahimovic hi Major League Soccer lamah a che tha ang reng hle. Tun seasonah LA Galaxy tan matchs 29 a khel a, goals 30 lai a khung tling hman a ni.

Kar hmasa lam khan Major League Soccer (MLS) season chu khelh zawh niin, an game hnuhnung ber leh Western Conference semi-finals ni bawk chu Los Angeles FC nen an khel a, mahse, hnehna erawh an chang zo lo.

Zlatan Ibrahimovic hi Spain leh Italy lamah kir leh tur anga sawi a tam hle a, mahse, Manchester United midfielder hlui Paul Ince chuan Old Traford lam a a kir leh chu United tan leh amah tan pawh a that tur thu a sawi.

“Zlatan Ibrahimovic hi Spain lamah kir a tum deuh niin a lang, Major League soccer lamah la cham chhunzawm tur angin an sawi bawk”

“Mahse, Old Traford lamah kir leh a duh a nih ngat chuan kir leh rawh se”

“United lam a players naupang zawkte zirtirtu atan a ropui hle ang, Ole pawh hian lak let tum thei sela a tha ang. Pitch chhung leh field chhung hrim hrimah mi danglam tak a ni.”

“Changing room control thei tu an mamawh a, hruaitu dik tak an mamawh a ni. Hetiang kawngah chuan Zlatan hi a fit tawk. Engtia tih tur nge tih kha players naupang zawk te a hmuh tir thei ang. Zlatan hi Manchester United dressing room Godfather a ni.” tiin Paul Ince chuan Ibrahimovic chungchang a sawi.

Huapzau

Next Post

Robert Lewandowski'an Bundesliga record thar a siam thei ang em?

Sat Nov 2 , 2019
Tun season khelh mekah Bayern Munich striker Robert Lewandowki a che tha hle. Tun season kal mek a all competions game tinah goal a la khung thei vek. Tun anga a chet that zel chuan German […]